E Ivan Maksutović (47) taro Leskovac o S.Dž thaj M.Mko trintodi 4 Decembro paloručko vordonea legargje le trujal i len Morava ko gav Manjolovec, sebepi šubikeriba kaj čorgja o alati kote kote so keren sine buti barabutne. Ola oleste hulavgje le nango , maltretirinen le sine em daravkeren sin e le kaj ka frden le ki len a sa odova pire mobilnoa snimingje le.
Leste čhiven sine te priznajnel kaj ov čorgja o alati em daravkeren le sine. Kana ko telefino akhargja oleskere čhave, o telefono vazdingja oleskiri romni em vakergja kaj sa ka vakerel ki policia.
“Uravgum man , čhige man te čučkinav ko kočakaem daravena man sine pištolea ko šero kaj ka mudaren man. Mew rovava sine em vakerava sine ma te mudaren man soske si ma čhave em unukia” vakerel o Ivan Maksutović.
Ola daravkergje man kaj te vakergjum akava sa ki policia ka čhinen me čhaveskere naja em ka mudaren le. Palo odova legargje man vordonea em mukhle man trujal o ambulanta em gele peske.
Tari dar kaj vakergjhe leske na mangel sine te džal ki policia, ama teringje le i romni em o komšie te prijavinel ki policia em gelo odori ko 9 decembro te prijavinel.
I policia arakhlja le manušen em lelja lendar o telefonia, em arakhle em o snimke.
Tari policia vakergje kaj čače sine asavko akti, numa salde odokhare, a tari resli dar o Ivan Maksutović arakhel pe ko sasljariba em rehabilitacia ko neuropsihijatria ko hospotali ko Leskovac.
Youtube: https://www.youtube.com/watch?time_continue=1&v=5Jc5YK3zK0E&feature=emb_logo
