Jekh okolendar so kergje piri storia e germansko gazetake Spiegel si o Silas Kropf . Sa dži kop ire tinejdžersko berša ov peske garavel sine o fakti kaj si Sinto soske sine konekcia kaj oleskiri familia sine telal o terrori taro nacistikano period.
„Miro papu telal I dar kaj šaj te ovel palem asavko genocide em odoleske Amari kultura na sikava sine phravde avire manušenge, em kera sine salde germansko lafi , a na romane. Miri familia sine la bare trauma ko vakti taro nacistoa.
Miri parababa ko jekh sine Sinti em sine la but phralja em phenja so sine deprotirime ko komnc logoria. Salde nekobro irangje pe dživdie, a o sa aver sine mudarde.
Ko vakti tari piri edukacia špiro identiteti sar Sinti o Silas ikerel sine garavde. Sar fakti si kaj isi kolektivno napakjiv ko themakere ofisia em institucie ki Germania, so pakjala kaj isi bari diskriminacija mujal o Sinti em o Roma.
Kana agorkergja piri edukacia o Silas palem na navkergja piri nacionalno identiteti.
„Kana ikljovav sine mire amalencar , ola ko momenti bistrena sine kaj sium Sinti em vakeren sine šale ko anava taro Sintoas. Našti vakerav kobor droma kergje odova ama sine situacie kana ka vakeren :” Nane čače kaj sian tu Sinti, tu na sian Sinti, nasian sar olende. Sar o buteder Roma so kamen integracia ki them sium sine svedoko kana ola keren sine bibahtale šale e Romencar kana ka dikhen sine neko ko si čorolo jali našukar uravdo! Vakerel o Silas.
Link: http://www.portal-udar.net/silas-kropf-zbog-ciganskog-stereotipa-sam-skrivao-svoj-identitet/
