Milja bukjarne udžarena te avel o 1 Mart 2020 berš. Taro 1 Marti ki Germania si validno o kanoni baši migracia em kvalifikujmo bukjarno profile.
I lačho haberi si kaj e neve kanonea ka čhinavel pe o kriteriumo kote aso jekh kompania trubul te rodel bukjarno profile ki Germania jali tari Europakiri Unia, a palo odova šaj te čhivel ki buti nekaste so si avrial taro EU.
Baro nevipa si so o kandidati so si le kavlifikujmi edukaciakiri programa dži kote dđanel em I germansko čhib em si le garancia sar te nakhavel o masek, ka šaj te avel ki Germania ko 6 masekoa em te rodel buti.
Ko momento ki Germania isi paše 1.4 milionia čuče bukjarne thana . Majdeficitarno profile si medicinsko personali, doktoria, fiziotarapevtia, , IT profesionalcia, inžineria em zanatlie ko gradežno industrie, palo odova aven ekspertoa bapi aviacia, mehatronika, elektrotehnika, energetsko tehnologia em aver profilia.
Manuša so si phureder taro 45 berša trubul te del em kontrakto bukjake desave minimalno plataja jali sar fakti taro garantirime finansisko love so šaj nakhavel o masek.
O persone dži ko 25 berša so si len maškarutni edukacia ka šaj te oven ki Germania maksimum 6 masekoa te šaj konkuririnen thaneske odori profesionalno te ovem majšukare.
