I Asociacia e dizutnengiri „Davet“ taro Skopje, startea tari situacia e koronavirusea ki them lelja te kerel aktiviteto te hulavel humanitarno paketia e teleperavde socialno kategoria Roma .
Ola i akcia organiziringje odolea so dengje kuponia e familienge te šaj te len o paketia . O Davet pire nekobordivesengere akciencar dengjhe dži akana 200 paketia ko buteder thana sar so si : Šuto Orizari, Topaana, Zlokukjani, Gjorče Petrov, Čair, Butel, Gazi Baba, Topaansko Pole – Džon Kenedi, em ko Kavadarci em Tetovo.
Odothe ko jekh sine hulavde em 1.5 toni kompiri em 3.5 tonia varo . Okova so si potencirime tari i Asociacia Davet kamen te informirinen kaj 90% taro dendo humanitarno paketia si Roma, a donatoria salde jekh donacia taro Rom ko učipa taro 250 eura, o aver donatoria si taro aver nacionaliteto.
Ola vakeren kaj akala akcie ka džan majodoriga.