Jekh terno manuš tari Australia so našavgja pi buti sebepi I pandemia tari koronavirusi palo tikno vakti ki lotaria astargja 4.8 milionia australsko dolaria.
O australco so manglja te ovel anonimno , I pandemia tari koronavirusi čhivgja le ki phari situacia : našavgja pi buti a sine le trni romni em tikno čhavo , ama I baht na irangja leske o dumo em reslja te astarel bare love. I premia ki khelin Lott's Set For Life nane te lel la taro jekh drom, numa ka del pe leske 10.000 australsko dolaria ko masek ko avutne 20 berša.
"Kana dikhljum kaj astargjum I premia vazdingjum me romnja taro sojbe em oj počmingja te del vika. Našti sine te pakjav. Pobuter droma kontroliringjum o tiketo te šaj ovav sigurno. Na sukjam I sasti rakj. Ačhilem sasti rakj dikhindo TV em kera sine planoa , em siam sine but bahtale. Amen siem terni familia tikne čhavea em akana isi amen šukar dživdipaske” vakergja ov bašo australsko Asošijeted Oress.
Oleske si pendžarde salde deka si le biš berš em dživdinel ki Adelaida, Ov vakergja kaj našavgja piri buti sebepi I pandemia em akaja premia ka kerel leske finansiko siguriteto so nikana našti sine te dikhel ni ko suno.
„AAkana sig našavgjum mo bukjarno than sebepi o Covid 19 em akava si baro lokharipa mange , Sium sine telal baro strs ama akana sium but bahtalo. O šajdipa si akana bizo limiti em isi man finasisko tromalipa. Odova si lačhi hoš em našti sine te ovav majbahtalo. Mli romsi planirinel te kinel nevo vordon em nevo kher, na savo bilo kher, numa okova kher so amen salde šaj dikha le ko suno” vakergja ov.
