Diskriminacia, socialno segregacia, nakomoditeto, ekonomikano nasiguriteto em naniša fundavutne šartia si hronično situacie kote so isi ki romani jekhin ki Purabali Europa vekoncar, Em ola ko jekh akana ki koronavirusi si palem majteleperavde.
Trujal so kergja o manuša te keren rigorozno konsekvence tari higiena em socialno distance , I pandemia COVID 19 angja bare ekonomikne bariere astaribaja milionia manuša ki planeta.
Akala situacie si but dramtaično ko Roma ko post komunistikane thema ki Europa, vakerel I Agencia fundavutne niamenge (FRA) ko akana sig kerdo raporto.
I Romani jekhinbut droma dživdinel ko šartia so nane lačhe em ko riziko tari infekcia em o ekonomikane efektia tari pandemia phenel pe ko raporto.
Paše 80% taro Roma ki Europa dživdinen ko pherde mahale , em trin generacie taro famile bešen ko jekh kher.
Buteder olendar nane len pani, našti thoven pire vasta so si majimportantno dende propozalia mujal I infekcia taro COVID 19 – akana olenge si sar luksuzi.
