Baro numero Roma ko paraštuj protestiringje ki šerutni diz ki Bugaria ki Sofia ki konekcia tari dart e našaven pire bukjarne thana sebepi I blokada taro koronavirusi ko olengere romane mahale te šaj te čhinavel pe o buvljaripa tari virusno pandemia..
Taro patarto di o Roma tari mahala Fakultetia em Filipovci keren pe lenge kontrolno punktia soske gindinen kaj isi infekcia sebepi so 10 aktia sine notirime ko akala čorolikane reonia.
Ki Bugaria sine registririme upreder 100 neve aktia taro COVID 19 taro dujtodi em o barabutno numero sine tegani 846 aktia em 41 mule. Pobuter taro jekvaš si tari Sofia.
O manuša trujal taro o Romane mahle šaj sare te phiren tromale ki Sofia em keren socialno distance , ama na keren lenge bare blockade te šaj te phiren.
I dizjakoro šerutno Jprdanka Fandukova negirinel kaj nane mukhe te phiren o manuša taro Romane mahale em kaj keren diskriminacia em vakeren kaj odova si salde te keren majbari protektiva odole dizutnenge so bešen ko odola mahale.
