Trafikoskiri bibaht kote than lelja vordon taro Slovakiakoro askeri ulo ko purabalo kotor e Slovakiake ko kurko kana sine Patradi . Avgo so gele ko than tari bibaht sine o lokalno Roma tari mahala Sosh (regioni Prešov).
O askeri tari R.Slovakia sine ki terensko aktiviteto ko testiriba e lokalno jekhinake taro COVID 19 jekh dive angleder. O askeri e R.Slovakiakoro havljargja i informacia ko piro FB profilo , a o serveri informacienge Vranovska.sk. editiringja akaja informacia ko plo portali.
Sebepi o dendo suporto taro lokalno Roma, o askeria resle te na ovel majbari bibaht em seriozno ratvarina. „Avdive o Roma taro Soš , ko regioni Vranov em Topčo dengje suporto ko kurtalipa amare askereske ki jekh trafikoskiri bibaht“ akcentirinel pe ko ažuririmo statusi.
„Erati gelem te testirina e Romen tarfo Soš, em baš odola Roma akhargje medicinsko arka em inforimiringje baši akaja bibaht. NEK OVEN SASTE. Akana siem šukar” potencirime si ko posti.