Sar so sine angleder vakerdo o Govermenti e Srbiakoro angja decizia kote o ande konsekvence ka pomukhen len. O šhureder taro 65 berša ka šaj trin droma ko kurko te ikljoven , o zanatlie so keren buti bizo paše kontakti ka šaj te keren buti em ko jekh o kurke.
Džalipaja kaj dži akana o policisko saati počminel ko 18 o saati a o epidemiologia vakeren kaj i Srbia si ko šukar drumo te ikljol ko agor e epidemijaja trujal so o neveinficirime ko diveseskoro nivelo panda so trincifreno.
O doktoria vakeren kaj o hospitalia nane odokhare sa pherde , kaj o inficirime ko majbaro numero si tikne simptomencar em akanaske o „italiansko“ scenarip akanaske si našlo lestar.
Asavke akte si em i Makedonia so ko than o starto taro policisko saati so sine taro 16 o časo dži ko 05 javinate, taro akana ka ovel tarp 19 o saati.