Akana ko sig vakti ko socialno netvorko isi video, kote dikhel pe sar romansko specialno policia ko avlina ko than Bolintin majsurovo malteretirinell em maren nekobor Romen.
O Roma si pašle ki phuv a o vasta si lengere palal ko dumo em marde.
O incidenti kote startujngja sine anglal jekh kriso em palo odoova sa ulo sar policiakoro garazi,
O policajcia sinelen šastra , em sine odothe aver specialno policajcia em policajcia ko civili.
O policajcia astargje e Romen . nekobor muršen em pašljargje olen ki phuv tee em o avsta ko dumo. Ni jekh taro Roma na den sine zor a šunel pe sine khujbe em dej be vika taro dukha. “Keren live, aaa”vakerel sine o policajco. “ Te ačhon sine khere ka ovel sine tumenge pošukar, k…av tumen” del vika jekh taro policajcia em šunel pe khujbe, rojve taro jekh Rom so pašljola sine.
So sine angleder akale akteske em so si o faktori nadžanela pe, nujma jekh si sigurno, te keren sine akaja grupa Roma desavo kriminali ola ka oven sine phanle, a ana astarde em legarde ko avlina te oven sine marde .
Fakti si kaj akaja intervencia sine taro aver karakter.
