O Eurodeputati o Petar Polak membro tari romani jekhin em ko Krizno štabi kerdo taro slovakiakoro govermentio te šaj kerel aktiviteto ko vakti tari I pandemia e KOVID 19 zorale protestirinela soske ko palokurko jekh policajaco ko Krompači lelja kašt em margja 5 tikne romane čhaven ki karantin mahala. Premal o čhave ov vakerel sine kaj ka phajrarel em jagalo.
O mariba sar so vakeren sine kerdo soske o čhave khelen sine peske kaštencar avrial tari karantin mahala “ Te kerel pe atako upral čhave si bilačhipa” vakergja o eurodeputati kop lo FB video so sine editirime.
„Erati dengjum propozalo dži ki Inspekcia andrune bukjenge te dikhen o brutalno incidenti so kergja o policajco upral akala romane čhave ko Krompači so si telal o karantini. Apsurdo si neko ki uniform ate vazdel vasta upral tikne čhave” vakerel o eurodeputati.
„Akava si naprofesionalno akti em nalegitimno. Te kerel odova policajci ov ka del džovapi soske kergja ole” vakergja o eurodepuato.