O Ex fudbaleri taro beogradsko Partizan o Predrag Luka vakergja desave ple detalia kana sine ko Beograd so daral sine taro fania e klubeskere kasaja kergja kontrakto.
O Predrag Luka (32) i kariera počmingja ki pli bijandi diz Požarevac em palo efta berša reslja leske akharib te džal ko Rad, ama o Luka vakergja kaj na sine leske sa jekh soske džanel kaj o fania taro Rad tari Banjica na mangen e Romen.
„Kana rodingje man taro Rad , majanglal lošalo sium sine , ama palo odova havgjum kaj olengere tifozia na mangen e Romen. A me sium Rom“ Vakergjum ka probinav. Kana resljum ko Beograd sine man mitingo e legarutne taro klubi em o tifosia.
Ola vakergje mange kaj nane te ovel nisavo problemi maškar mande em o tifosia.Em čače nakhljum duj thaj jekvaš fenomenalno berša ko odova klubi.
Kana rodingje le taro Partizan odova leske sine sar šok. Akceptiringja ko momemnti o rodaripa , Mli sasti familia sine Partizanovcia.
Pali epizida e Partizanea sine le rodaripa em baši internacionalno kariera , ki Turkia em Kina numa ov bibahtake na akceptiringja olen, em palem avdibe si ko plo avgo personalno timi ki kariera taro Požarevac o Mladi Radnik.
