Ko akana sig kerdi vizita e Phanlipaskere instituciake Skopje, popendžarde sar phanlipa „Šutka“ o VD direktori akale instituciake o Esad Rahić, akcentiringja nekobor neve momentoa ki konekcia e phanlipaskere instituciaja.
Kerel pe buti saste gasifikaciake e Phanlipaske „Šutka“ . Odova startujngja te implementirinel i kompania GAMA. Kerdo si em merno stasioni.
Ov akcentirinela kaj akava sistemo ka šparinel bare love em ko takjariba em rošaripa ka ovel panda majefikasno.
Ko than taro takjariba e mazutea, e gasifikacijaja ka kerel pe majstabilno em lungovakteskoro takjariba em tato pani bašo o phanlipa.. O love si dende em hulavde taro Makedoniakoro govermento.
O Rahić bičhavgja bari šukrikerin em dži ki komuna Šuto Orizari, so kergja em dengja i dokumentacia baši realizacia. Ov vakerel kaj bašo nekobor berša šaj taro akava proekti te ovel benefiti em i korkoro komuna em o dizutne. Ola ka šaj ko aver periodi te keren gasifikacia em e ekonomsko objektenge so gravitirinen ki akaja komuna, (ambulante, škole, gartenia em aver), em o plani baši gasifikacia ko individualno khera.
Ki sako forma akava si majekonomikano investicia ko desavi forma ka kerel akaja komuna te ovel la komoditeto taro moderno em ekonomikano dživdipa.
