O pehčevsko gav Crnik si jekhutno gav ki purabali Makedonia kote o Khoraja, Makedoncia em o Roma bizi diskriminacia akava da berš kergje o Ramazan Bajram bizi diferenca savi si lengiri religia. Barabutne so keren o bare dive primal o Usain Kampelezov si tradicia so lumgo berša kerena ko akava gav.
-O baredive si odova so konektirinel amen barabutne te kera len savore. O Ramazan Bajram em I Patradi si vakti kana o Makedoncia em o Roma em o Khoraja si barabutne. Ola aven ki amende ko olemgere baredive amen džaja ki olende. I Patradi em o Bajram barabutne keraja leem na salde odova sa siem barabutne vakerel o Kampelezov.
Koa kava gav ko momenti dopherel pe kaj sebepi o policisko saatu si tromale em avgo drom kerel pe o Ramazan Bajram ka kerel pe paše ki familia.
-Trujal so dživdina ko vakti kana si amen limitirime em akava da berš o khera so si paše džana ko misafirluko e barediveseske. Trubul te vakera kaj I koronavirusi kergja ma te kerel pe o barodive majšukar, vakerel o Kampelezov.
Ov akahargja e gavutnen ko kotor baklava so si kotor taro Ramazan Bajram. Sa e dizutnge taro gav Crnik so si muslimania bahtakergja o Ramazan Bajram.