Avdive ka hulava I storia tari I Marija, terni romani džuvli tari Romania. I Narija but droma sine diskriminirimi, ama siklili sar te kerel mujal akava bibahtalipa.
“ Zdravo čhavalen! Miro anav si Marija! Si man 21 berš em miri storia si ušđtipa!
Me sium Romani čhaj em sium kotor taro LGBT so kergja mange problemia sa mire pšašenge sar ki škola em ko mlo dživdipa.
Majbaro kotor taro incidentia sine ko vakti tari mli škola ko sredno. Jekh taro odola incidentoa sine ko vakti taro dujto klasi ki škola. Sine man konflikto mira školsko amalea kana teleperavgja man bašo mlo etnikano preperutnipa em seksualno orientacia. Majdukhavno momnto sine kana anavkergja mire familia kaj siem roma em kale čiriklja.
Ko odova momenti našavgjum man phariljum em dengjum ansvero ko oleskere verbalno atakoa.
O bukaj ule bilačheste em holjangjem em margjem amen. Odova sine momento kana me arkhavman sine a ov sine khuvdo.
Na sium bari odoleske ama buteder terne čhija darana sine olestar em mangljum te čhivav agor odole toruturake olestar.
Bahtake o direktori na paldingja man numa bičhavgja man ko konsolidacia e,m kontrola e holjake prekal kreativno aktiviteto. Odova sine arti, hramosariba em ilustracia!
Nikana na trubul te ignoririna I diskriminacia! O rasizmo, ksenofobia, seksisizmi, peravle dživdipa. Odova trubul urgentno te notirinel pe ki direktorka e školake em e jerienge. Bibahtali sium so ko vakti na notiringjum sa odola aktia em agorkergjum ki pozicia te arakhav man taro atakoa.
Odova sine čače bibahtalo momento so kerja ten a mangav te džav ki školabut vaklti sebepi I dar te na avav dži ki asavki situacia palem. Oven jekh trujal javer. I lumia si delini!
Sako dživdipa si importantno!
I online kampanja “Vota e uštipaske”! si akahrin sa e terne romenge em akaharav sa olende te den piri storia. Prekal online kampanja kama te motivirina e terne Romen te hulaven pire storie em te oven aktivno ko asavke phare momentia tari kriza. Oven amencar, dikhen amare videa em oven kotor taro amaro online uštipa!