O nakhlo kurko o portalo „Roma News” em olakoro redaktori Andrijano Djeladin kergje i emisia “Face to face”  - “ Vakti baso fakti” kote misafiria sine leske taro NGO „Romalitiko„ a ko jekh em representoa tari Civilno inicijativa  „Avaja“ thaj  „Romano Avazi„ , Elvis Šakjiri, Albert Memedi em Akif Kariman.

Ko nekobor saatengiri emisia o redaktori o Djeladin Andrijano prekal o notacie trubul sine te kerel jekh phravdi debata e misafirencar olengere aktivitetenge ki olengiri implementacia a ko jekh te notirinen transparentno em phravde sar implementirinen olengere aktivitetoa sar so si proektoa  kobor si odothe benefitoa akceptirime o Roma ki savi forma hulaven o love so resen lenge taro fondacie.

Ama o DSR notirinel kaj o redaktori taro „Roma News” sasto vakti ko ni jekh momenti na rodingja olendar te oven transparentno anglal o mediumi ki konekcia e lovencar so isi len , numa kontra odolestar iklile em kergje peske salde promocia taro Romalitiko, Avaja em Romano Avazi.

O DSR akalea konstatirinela kaj o redaktori sar te mangel sine te udvarinel pe pire misafirenge a  na te kerel okova so premal o manuša  te keren te oven phravde em transparentno.

Buteder droma ki angluni intencia o Djeladin Andrijano ko pire emisiie potencirinel sine o finansisko bilačho benefit taro romane NGO .

Maškar olende tegani sine anavkerde em o Romalitiko, Avaja em Romano Avazi.

Ama ki direktno emisia e reprezentoncar taro Romalitiko, Avaja em Romano Avazi.

Bukvalno odoleske na phravgja po muj.

O DSR a em i javnost vakerena dali o „Roma News“ em olakoro redkatori o Andrijano Djeladin  ki disavi forma sine „kindo“  tari rig taro Romalitiko, Avaja em Romano Avazi. Desave dende lafeske bašo desavo benefit jali aver? Ov pali akaja emisia iklilo live em demantiringja sa akala špekulacie dali čače ki emisia “Face to face”  - “ Vakti baso fakti” denge le disave dokumentoa, faktia te sikavel a te na tegani i javnost ka konstatirinel kaj „isi khanči kirno ki them Danska“ em odova agjaa dikhljola.

I javnost a ko jekh em o DSR vakerel kaj nane kasno baš o Andrijano Djeladin te roden latro Romalitiko, Avaja em Romano Avazi. Faktia te šaj ov parnjarel plo muj.

Nali odova si majferem majkorektno amala Andrijano?

Respektoa Romano Demokrtasko Sojuzi

fShare

Tweet