Kana sine man 10 berš , džvdinav sine kaj so biandiljum ki Slovakia , sium sine khuvdi pištolea ko breha taro miro komšija rasito, so angleder odova dive vakergja mange: “Ka mudarav tut tu melalie Romani!” Ov phajrargja taro plo pištoli ko vakti kana tari škola džava sine mange khere me majtikne phralea.
Dava man godi kaj dukhala sine man but odova isi man panda belegija ko odova than trujal so nakhle decenie . Lungo vakti palo akava incidenti me darav sine te ikljovav kheral.
Angleder desave divesa kana dikhlju prekal socialnop netvorko o fotografie tari Tande Budai, Romani taro Torokzentmiklos ki Ungaria so sine atakujme em seriozno ratvarde taro manuša rasistia, em mangljum te kontaktirinav ola. Oj vakergja mange piri storia me kergjum video informacia olake taro miro “kherutno studio”.