O ministeri bašo andrune bukja vakergja kaj na del suporto ki verzija taro policajco akale aktenge.
Isi majbare apelia bašo niamia taro o famile so si viktimia tari policiakoro brutaliteto ki Francia, kote maškar olende si em jekh 14 beršengoro romano čhavo kote palo leskoro astariba tari I policia sine mardo ko policiakoro stasioni.
O Kristofer Castaner o francusko ministeri andrune bukjenge vakergja kaj o akti kerdo upral o 14 beršengoro Gabriel Gjorgjević so sine leske phage o kokala ko muj telal I jakh em phage sine leske 4 danda , kote sar so vakerel sine mardo taro policajco si čače “tragično”
O Castaner vakergja kaj našti havel e policijakiri notacia kaj ola na margje ole, numa korkoro pelo.
„Nane normalno jekh 14 beršengoro čhavo jali javer te ovel sine te ovel mardo ko momenti kana asatren le sine. Isi duj varijaente: okoja so vakerel o terno čhavo em okoja so vakerel o policajco a o duj si saste kontra. Na sium me so ka anav decizia akaleske “vakergja o Castaner baši BFMTV. Ov potenciringja kaj akava akti si dendo ki andruni policiakiri kontrola.
