Ko kurko so nakhlja ko vakti taro policiakoro časo biš policajcoa tari interventno policia kana interveniringja stemalkergje buteder takati upral bezdomnikoa so si telal Železničko stasiono ko Skopje. O bezdomnikoa bašo CIVIL Media vakeren kaj jekh olendar so na dživdinel odothe alo mato em rodingjate mukhen muzika, so kergje reakcia o manuđša so dživdinen ko trujalipa ko zgrade.
„Kana avili I policia rodingje te čhinaven I muzikaem amen ačlhavgjem, ama I persona Harun (so ov si pendžarde e policiake sebepi so kerel problemoa stalno počimngja te akošel pe olencar em I policia akhargja panda policia . Bašo tikno vakti avile 20 speciajlcoa – alfe 5-6 vordonencar em bizo te pučen so počmingje te maren sarinen. Na dikhen sine dali khuven muršen, džuvlen jali čhaven” vakergja I Suzana Demir so sikavgja ple modrice so sine la taro maripa.
O Emran Aslan o rom e Suzanakoro vakergja kaj sine marde bizo ništo, salde odoleske soske mukhle muzika ko policisko časo.
„Odova so avile I policia te vakeren amenge te čhinava I muzika sine ko pravo em amen ačhavgjem , ama kana avile o alfe na pučle nikaste počmingje te khuven kaste resena em amen e muršen lele amen ko policiakoro stasioni ko Aerodrom” vakerel o Aslan.
O aver Roma tari darn a mangen sine te keren lafi em vakeren kana ka šunen maška jali džikel te khuvekl ola darana soske mislinen kaj palem ka avel I policia te marel olen.
Jekh daj vakerela:” Taro odova dive mo čhavo uštel taro sojbe em rovela em tinanel tari dar. Akate isi deš tikne čhave so si len trauma taro odova dives, soske roven sine em den sine pišta kana ali I policia em marela sine”Jekh taro Roma so na mangel sine anglal I kamera te vakerel notirinela:” Darav but, šaj te aven palem te maren amen. Niko na arakhel amen. Nane kaske te vakera.
O Civil Media rodingja džovapi tari policia kote ola vakergje kaj ko 07.06.2020 berš šake ko 18:30 palal o PIOM ko kej trujal I len Vardar taro policisko oficeri ko Policiakoro stasioni Aerodrom, sine kerde aktivitetoatari notacia taro dizutne kaj phagel pe o policiakoro časoem grupa dizutne peraven sine o tromalipa . Palo odova 5 džene majanglal holjame sine len konflikto e policajcoa em počimngje te maren pee m jekh olendar frdingja bar ko policiakoro vordon.
„Sebepi kaj sine notirime phagibe kanonikano akti “narespektiriba sastipaskere aktia ko vakti policisko časo em ćčhingar policajcoa sine privedime o persone A.B.(27), A.M. (23), А.А.(30), Е.А.(30) hem M.J 44), sare taro Skopje. ЗOdole personenge soske kergje asavke aktia dende si notacie aso phagiba o kanoni 13 taro telelpraviba o kanoni bašo javno red thaj mir a narespektiriba e policiakere časoske prekal notace taro Govermento e pandemijaja taro Kovid 19, kerdo si nakanonikano akti em pali kompletizacia e saste dokumentaciake akcentirime si došperravipaskoro akti aso 206 ko Kanoni “ vakeren tari I policia baši Civil Media.
Ko 4 juni trin dive angleder akava incidenti o tehnikano ministeri policiake o Nake Čulev sine le dikhiba nekobor romane NGO em sar so vakerel pe kergje lafi aso ki natolerancia primal I romani nacia em marginalizacia , o problem e čhavencar ko droma, em familiarno terori.
Ka ačhol li o Minsteriumi e policiake palal o Roma, sar so si akaja grupa, jali e Romen salde ka len lent e sliklinen pe lencar anglal o alisariba ka dikha.
Tekst, kamera em montaža: Dehram Muratov
