Ko socialno netvorko počmingja te rotirinel hohavno anglalalusaribaskoro plakati tari Demokratsko Unija e Romengiri – DUR ko lokalno alusariba ko Kragujevac, so but si diskriminatorsko premal o romano minjoriteto. Sebepi plasisirba rasno em etnikani natolerancia , o legarutno ki akaja lista taro DUR o Milan Petrovič – Fafi notiringja dži ki policia akava akti ko ofiso taro učo tehikano kriminali.
Ko jekh o oficialno angloalusaribaskoro moto taro DUR si „ Savore bašo 11 , o 11 savorenge“ sine irame sar „ Den Vvota e Romenge, ma ker tut cigani“! Em čhivdo ko socialno netvorko. O korkoro Pterović vakerel kaj akava moto si but bilačho em diskriminatorsko , diskreditirinel, si nelegitimno em nademokratsko akti.
Ov pakajal kaj o manuša so kergje akava akti ka oven astarde em sankcionirime . Ov vakerel kaj asavko ksenofobično atako si majpakjavutne so buteder Roma garavena te vakeren kaj si Roma.
Ko Kragujevac prekal agorutni statistikani operacia si registririme 1.482 Roma, ama realno o procento si bašo šov droma majbaro.
