I sgregacia ko škole em o romane čhave ačhola ko učo nivelo ko desave thema tari Europakiri Unia, ama ki Portugalia isi but potikne numeroa aso informacie tari Europakiri agencia fundamentalno niamenge (FRA), havljarde akava štartodi.
O analize kerde taro rpocento romane čhave taro 6 dži ko 15 berša so džana ki škola ko majbaro kotor taro olengere amala čhave Roma isi majbari diferencia ko čhave so dživdinen ko aver kvartoa em mahale kote majbaro kotor si “romano” mujal okola so dživdinen ko kvartia kaj nane buteder Roma.
Sar egzamplo ki Ungaria 73% taro čhave so bešen ko Romane mahale o čhave ko olengere škole reflektirinena o realiteto, kote so buteder paše savore o sikle čhave preperen ko jekh nacionaliteto – etnikumo.
A okola so dživdinena ko mahale so nane buteder Roma , salde 22% vakeren kaj džan ki škola isi lengoro etnikano preperutnipa. I Slovakia em I Bugaria si panda duj thema kote I segregacia si but bari.
Ko duj kerde analize ko odola thema I Portugalia isi la majtino numero indikatoria ki sgregacia saste: salde 17% taro Romane lčhave so dživdinen ko mahale kote isi pobuter Roma, vakeren kaj ki škola sikljovena primal olengoro etnikumo, a o procento perel ko 10% okolenge so si hemime o etnikumo.
