Sar notacia ko jubileo 50 berša taro Jekhto Romano lumiakoro Kongreso ko London ko 1971 berš , so palo odova proformulirime si sar Internacionalno Romani Unia – IRU ko kontiunuiteto dži akana sine ikerde deš Kongresia ko 27 juno 2020 berš prekal i Video konferencia ka organizirinel o 11.to IRU Kongreso . Avgo drom ki pli barvali historia o IRU si majpurani em majbaro internacionalno organizacia ko akava Kongresi ka promovirinel i forma taro votiba baši nevi IRU struktura bašo avutno štar beršengoro mandanto prekal demokrtasko proceso em majbuvleste mandati e neve strukturake ko IRU , prekal i promocia taro ET timi. Odova havel pe kaj o votibe em piri vota ko deiba mandato ka oven konektirime delegatoa , membroa em romane organizacie prekal WEB platform taro ET timo prekal elektronsko post.
Akava ka implementirinel pe bare šukrikerinaja taro profesionalno angažmano taro Anton Soft IT kompania baši informatičko tehonologia, Web disani em olakoro direktori o Elvis Hajdar. Akava si panda jekh drom kaj o IRU džala majanglal ko buvljaripa i demokratia em te len than sa io relevantno faktoria ko kreiriba planoa em akcie so si konektirime e romane pučimata.
O IRU avgo drom ki pli hostoria ka putrel buvleste neve membrenge em buvli dijaspora em kontinentoa em zojrakeriba o romano džuvljano lobi so ko IRU ka len than pobuter taro 50%. Premal dži akanutne haviba o nevo IRU presidiumo ka ovel kombinacia taro pirane džanel aktivistoa, terni intelegencia maškar o Roma em o Romane džuvlja. Odoleske I IRU parola ko 11-to IRU Kongreso si – SAVORE sem IRU!