I Pandemia taro COVID 19 angja dopherde problemia trujal o phare šartia dživdipaske ki Romani jekhin ki Republika Srpska thaj ki Bosna em hercegovina. O Presidento tari Romani Unia ki Republika Srpska o Aleksandra Mašić vakerel kaj akaja situacia si panda asavki.
–Savorenge si pendžarde kaj o Roma keren buti kaj kheden gunoj em reciklaža em bikinena tekstil.
Ama odova da čhimavdilo em o Roma bešen ko katastrofalno šartia sar avdive da.
Hajbaskere paketia avile taro diferentno internacionalno organizacie em šukrikerin e lačhe konekciajaj ko odola organizacie o paketia hajbaja sine hulavde e Romenge taro Prijedor, Banja Luka, Mordiča, Bjelina. Lopari em Gradiška.
–O UNICEF hulavgja higiensko paketia a odova si rezultati tari lačhi kolaboracia akale internacionalno organizaciencart – vakergja o Aleksandar Mašić.
