Akala divesa ko socialno netvorko ko FB „kjerola“ taro komentaria em stavia e satutoa hulavde ko FB taro Ibraim Džemail titulaja „Doktor“ (kote prekal o reakcie ko FB maškar o aver si notirime sar so si – „sar reslja akaja tutula, salde ov džanela) em falingja pe pire karticaja so sine leske dendi taro Bajram Haliti – romano aktivisti em hramutno. Sar so si pendžardo o romano sindromi beršđencar napalal te sine pendžardo ki pli fela em ko romano aktivizmo , em palo odova preperela ko diferentnoi Institucie, fondacie, Centroaem aver majbut kherutne adresencar mangipaja te sikaven pe ko si majbaro.
Ko akava akti o Instituto so si telal i stadik taro Bajram Haliti dengja e rajoske Ibraim Džemaili titula „D-r“ eksluzivno karta sar kotor taro akava Institucia.
Majtargično taro sa akava si so ni korkoro nane svesno kaj ko dizajno e karticaja ćhiven logoa taro pendžarde internacionalno organizacie so si konektirime Unime Nacianecar sar so si o UNESCO, UNDP,UN ECOSOC, em avera. Odolea džanlipaja ajali na phagen o internacionalno kanonia em standardoa taro UN so ko ne jekh momenti na mukhela te len pe jali istemalkerel pe notacie akale „parainstitucie, fondacieem avera“
Akale kerdo si buvlo falsifikato em phagiba sa o internacionalno hakoataro UN em olakere institucie em ofisoa prefiksoja UN.
A odova si salde taro personalno benefito taro ancionalno em internacionalno organizacie enm te sikaven pe kaj si desave „faktoria“ si reakcie taro FB komentaria.
