O rizikia so arakhen pe o džuvlja, o daja thaj čhave Roma baši konekcia ki preventivno sastipaskiri protektiva sine I tema ki konferencia so ikergja I Asociacia ESE. Romano čačipa IZIR thaj I Ngo KHAM.
Prekal o rodaripa taro akala Ngo o Roma ki them arakhen pe ki nalačhi sastipaskiri situacia taro aver manuša. Sar so si akcentirime taro Ngo ko nevebijande čhave o mortaliteto maškar o Roma si 1.5 droma mabuteder ki paralela e makedonikane dizutnenge ko 2017 berš. Ko odova berš paše 50% taro mortaliteto ko Roma ule angleder o 65 berša taro dživdipa, diferencijaja taro 23% taro aver nacie.
Ko kerdo rodaripa ki romani jekhin ko detektiriba konkluzno problemoa kote so arakhen pe o Romane džuvlja ko umalja taro džuvljano reproduktivno sastipa.
-Jekvaš taro Romane džuvlja nane len alusardo personalno ginekologo , soske nane len ni personalno ginekologo kip li komuna, em soske o ginekologia roden pukjiba sakone kontrolake. Salde 2% taro Romane džuvlja ko Šuto Orizari si akceptirime e Programaja taro skrining kancereske ko krlo e matkake taro Ministeriumi sastipaske trujal so akava skrining si importantno ko vakti te arakhel pee m te sasljarel pe akaja forma karcinomivakerel I Asociacia ESE.
Vakeren kaj o Romane džuvlja saste nane akceptirime ki programa taro skrining em ko karcinomi ki čuči (breha) so si majbut sar malign nasvalipa ki džuvljani populacia.
-So legarel pe dži ko sastipa e dajake em e čhavenge pobuter taro jekhvaš Romane džuvlja nane vizitkerde taro patronažno medicinakoro personali ko vakti taro dovogjende, A ni 20% taro nevebijande chave nane vizitkerde taro patronazno medicinakoro personali ko avgo bersh dzivdipaske.
Sa akava isi bari presia ko chave, so dopherdo reflektirinela pe ko sastipa e individuake, vakeren taro ESE.
Sar so sine havljarde pali konferencia ka kerel pe phravdi debata ki akaja tema kote trujal o representoa taro NGO piri notacia ko vel em e representon tari Poliklinika Šuto Orizari em taro Sastipaskoro Ofiso Delčevo.
