O legendarno gugoslovensko filmi „Skupljači Perja“ taro Saša Petrović  sniminel pe sine ko trujalipa taro Sombor em Apatin ko gava . Šansa te oven ko filmi sine em šele Romen taro odola gava . Odothe šansa em filmeskiri rolja reslja te lel em o Marko Petrović tegani 14 beršengoro terno romano čhavo taro Bački Monoštor. Trujal so taro gav sine angažirime Roma statistia oleske dengja pe i filmsko rolja sar džamutro so ka prandinel pe e fatalno Tisaja. Ov šaj sine em lokheste te ačhol bizi odoja da rolja soske oleskiri daj sine kontra kaj olakoro čhavo si but tikno te prandinel pe. Oj pomukhlja palo odova kana havlgja kaj ov ka prandinel pe salde filmski a na čače. "Khela sine amenge pe droma, sine decembro. Akhargje man em vakergje mange ka ave amnecar ka snimina filmi. Nadžanav sine so si odova filmi soske ko sig vakti amende ki mahala čhivgje elektrika“ –vakerel disave detalia taro filmi o PetrovićO snimiba e filmeskoro sine jekh maseka baši filmeskoro angažamni o Petrović sine šukar pukjime. „ Ko odova vakti odole lovencar šaj sine te kinav mange vorda fičo. Mlen sine len grasta em odole lovencar šaj sine te kina duj grasta em araba. Ov o filmi „Skupljači perja“ avgo drom dikhlja ole ki kino ko Soimbor. I rekacia oleskiri sine „Me ko filmi?“ "Savore taro o gav geljam te dikha o filmi . Palo odova aven sine savore ki mande roden sine autogrami, a me na džanav sine so mangena em nadžanav sine te hramosarav”vakerel ov. O filmi si le em ki lenta em dikhelale po desavo drom. Palo o filmi „Skupljači perja“ sine le em aver akhariba bašo te khelel ko filmia ki Romania, ama oleskere jeria na mukhle ole te džal em agjaar agorkjergja oleskiri tikni filmeskiri kariera. Del pe godi em ko dikhiba e Olivera em Marko Katarina ko vakti kana sniminel pe sine o filmi em palo odova.

Link: http://www.rtv.rs/sr_lat/zivot/magazin/skupljaci-perja-uspomene-iz-backog-monostora-na-snimanje-legendarnog-filma_1152359.html

fShare

Tweet