I gili Lili Marlen si pendžardi germansko kamlipaskiri gili so reslja baro popularnost ko vakti taro Dujto Lumiakoro Maripa em giljavgja la i germansko giljavutni Lale Anderson.
I gili si giljavdi ko 48 čhibja em kerde si upreder 200 versie tari akaja gili . O teksti hramosargja le o germanski sikavno taro Hamburg - Hans Leip, (1893-1983) sar mobilizirimo soldato ko vakti e Jekhto Lumiakere Maripaske. I gili kerel lafi bašo o kamlipa em mangipa taro soldati pali piri kamli so dikhel pe sine sako drom telal o feneri anglal o udar tari i kasarna, angleder te ovel bičahvdo ko fronti. I germansko versia akale giljake si kerdi ko 1939 berš a giljavgja la I Lala Anderson. Isto versija ama angilisko kergja la I amerikansko naturalizirimi Germanka I Marlen Ditrih. Odova vakti ko Dujto lumiakoro maripa sine jekh forma simboli ko motive e germansko soldatenge bizi diferenca ko savo tane fronti.
