Fotografie olaja em olakere profesorea ko vakti taro školsko časo, si editirime ko bilbordia ki diz. Ki Holandia I Aleksandrina Ankova 16 beršengiri Bugarka, romane darhinencar ulibut pendžarutni persona ki jekh holandsko maškarutni škola. Akava ulo sar I Romani čhaj sine notirime sar majšukar siklo ki škola ko Generacia. Odoleske olake ola kergje spektakularno agor – matura.
I Aleksandrina si notirime sar majšukar siklo gi 2020 berš ki odoja škola. Trujal so olakoro posteri iklilo ko bilbordia ki diz, ko jekh si editirime em ko web sajto e školakoro – gimnazia. Akava sukcesi avela palo odova so barabutne pire profesorea sikavgja bari motivacia em diplomiringja bare sukcesea. Olakoro avutno targeti si akana- Medicina Oj vakerela: “ Mangav te vakerav amare Romenge ma te bikinen pe bašo 20 eura soske odole lovencar ka našti te lačharen piro dživdipa, em o dživdipa pire čhavengoro so si majimportantno. Ma te mukha amare čhave te prandidien pe angleder 18 berša. Den olen motive te džan ki škola” vakerel I romani čhaj I Aleksandrina.
