I Špania ko šatrodi bičhavgja jertiisar bašo “institucionalno rasizmo” ki them e manušenge tari romani etnikani jekhin.
“Kamav te molisarav e Romen baši jertisra taro Govermento” vakergja o dujto vicepremiero e themake Pablo Inglesias ko Madrid ki notacia ki memoria e nacistikane genocidoske primal o Roma ko vakti taro Dujto lumiakoro maripa.
O Iglesias vakergja kaj trubul I Špania te del pi gind sa so kergja e Romenge olakere eliminaciake.
“ Na but manuša ki Špania džanena bašo kerdo instiucionalno genocide em but manuša nadžanena kaj ko 1978 berš palo demokratsko alusariba ki Špania I Civilno garda sine la propozaloa te peravel akale grupa” vakergja ov.
Baro estradipen si notacia tari bari rota “Roma” so si len kalo čhib so keren o špansko em portugalsko Roma.
Ko agor taro 18 veko o špansko thagar Ferdinant VI dengja dekreto masovno eliminacia e Romenge. Odoja eliminacia sine organizirimi taro Markizo tari Ensenada , so sine učo funkcioneri ki them.
