O makedonikne dizutne so si avrial tari them a kaske o rook taro pasporti nakhlja ko sig vakti našti ovela len nevo pasporto. Trujal so lungo vakti rodela pe timi taro Ministeriumi avrutne bukjenge te aven ko lengere them ate šaj lena informacie em te fotografirinen len , odova aknaske našti kerela pe.
O faktori si pendžardo sebepi I korona kriza thaj o zorale protokolia dromaripaske. Upral sa isi but rodaripa , taro Nov Zeland, Australia, Skandinavia a majbuteder tari Germania . Ama o MAB si len jslde jekh mobilno mašina em našti resena sakote te aven.
O plani so sine kerdo akale beršeske akana si irame em kerel pe aver bašo 2021 berš . Kana ka resen ko sa o thema ola da korkoro nadžanena.
Odoleske taro MAB vakerena e mankedonikane dizutnenge te aven ki piri them em akate te ikaven nevo pasporti so dži kote olakoro rook nakhlja e dokumentia so trubun te šaj aven peske khere, ka šaj len ko mapaše konzilato jali ambasada.
