Oleske vakeren kaj si čačutno balkansko superstar ekstra maškar o Roma.
Avdive si le 32 berša em dživdinela ko Niš. Oleskoro anav si Muharem Redžepi, ama sare akharena le Muki. Ov giljavela ko orjestar taro Goran bregović „Orkestar za svadbe i saharane“ em ov si akana trinto vokali tari akaja diz so o Goran lelja leste sebepi o baro talenti giljajbaske. O Muki vakerela piri storia em bari mangin premal i diz kaj so dživdinela, trujal so nane bijamo ko Niš.
- Bijamo sium ki Priština ama ko 1999 berš našlem taro Kosovo . Aljum ko Niš em akate ačhilem. Šaj te vakerav kaj akate bariljum. Sar so si vakerdo tari akaja diz si em o Ogi Radivojević em o Alen Adamović so sine vokalia ko orkestri taro Goran bregović a o Muharem si trinto vokali taro Niš. I muzika so ka ovel oleskiri opsesia džangja taro tikne berša. –Miro avgo šunibe muzika em čače so zamangljum sine o Toše Proseki. Angleder leste me na džangjum deka džanava te giljavav. Odova sine o periodi kana ko oleskoro albumi iklilo o hiti”Ledena”
Počmingjum te giljavav trujal oleste em sium sinew but bibahtalo kana uli odoja tragedia oleja. Ov sine miro khujbe ki muzika , a palo odova počmingjum te šunav em folk em te giljavav. Dikhljum kaj odova šaj a i diz dengja man odova šajdipa te kerav majanglal mire karieraja. O Muharem avela tari muzičko familia. Oleskoro papo bašavel sine bendžo , a o Muki mislingja te ovel klavijaturisti, ama nadžala sine leske. Ov sfatingja kaj o giljajbe si oleskoro aduti. Ko 2011 berš lelja than ko muzičko šou „Zvezde Granda“
