Korpe portokalencar em mandarine , tergjol žamba tari keramika ko udar taro o dukjani tari Helena Konseisao.
“Savoren si akate asavke žambe ko udara” vakerela oj. “ Odova sit e daravkerel e Romen soske ola darana taro žambe”. Asavke figure ko pobuter dukjania, kafičia, baria em restorania ki sasti Portugalia .”Niko na mangel Romen kop le lokalia”vakerel I Konseisao.
Oj vakerel kaj džanel o portugalsko kanoni thaj kaj akava akti si diskriminacia ama odova keren soske primal olende namangen manušen so čorena em kerena problemoa.
Deš dukjandžie ko Porto vakergje kaj čćhiven odola keramičko žambe te šaj iranen e Romen ma te lhuven lenge ko dukjania. I Konseisao vakerel le phravde a o avera vakeren odova garavde kaj odolea sikaven kaj o “Roma namangle ko olengere dikjania”em rasno diskriminireinena len. O Roma ki Portugalia resle ko XV veko a sar dizutne sine verificirime ko 1822 berš.
Paldime , diskriminirime vekoncar ola ačhile sar majdiskriminirimi nacia ki them. O rodaripe kerdo tari Agencia fundavudtne niamenge ki Europakiri Unia (FRA) ko 2016 berš sikavela kaj 71% taro protigalsko Roma sine kerdi diskriminacia upral olende ko angluten 5 berša.
Premal I studija “O Roma majodoriga si len baro nivelo diskriminacia em na jekh tretmano. Ko jekh ko 2018 berš o Gil sine jekh taro 18 Roma taro diferentno thana ki them so lele than ki kampanja bašo te vazdel pe I gind baši diskriminacia taro “keramičko žambe”
