– O teatarsko performanso „Zlostornikot“ akava vikendi sine kheldo ko phravdo than ko purine magacinia tari “Slavija” ki komuna Kisela Voda , ko pervazia e Internacionalno teatareskoro romano festivali “Garavde Muja”, so ki them sine ikerdo sar 17-to editorial . Autori thaj režiseri e prestavke sine o Danmiel Petrovski. I prestava sine kheldi aso e sastipaskere protokoloa em prevencia taro Covid 19 , a I publika sine la šansa te dikhel akaja prestava tari teatarsko grupa “Romano Ilo” . I kostomografia sine tari NU “Vardar Film”. I prestava kerel naracia ki tema I storia e Romengiri ko vakti taro Dujto Lumiakoro Maripa I ideologia taro nacistia reprezentirime taro Adolf Hitler thaj oleskoro askeri a majanglal olakoro lidero o Hajnrih Himler. – I idea akale prestavake sine prekal teatarsko performanso te sikavel pe I situacia so arakhen pe sine o Roma ko Dujto Lumakoro mariba . Kana sine čhivdi I scenografia I sama sine irandi ko sa o segmentoa taro o logoroa em o sasto teatarsko performanso sine kerdo sar filmi. Baro ov sasto dži ko sa o akteria so lele than ko akava proakto soske dengje sap o maksimum pester ko vakti tari I pandemia m vakergja o režiseri Daniel petrovski. I prestava sine ko phravdo em raritetno si maškar o Roma em odoleske, sar so vakergja , kotor taro komentaroa tari I publika kaj ola dikhle filmi “in live” anglal I publika.
