I komuna Mores so si ko regioni Juri ki Purabali Francia , akana kingja jekh purano kher bašo 130.000 eura, em naudžarde ko sa o dizutne, milja galbenoa , lire em pandž somnakane pračke sine arakhle ko frdime tegle bašo šutale krastavice kakskoro moldipa si ko učipa taro 500.000 eura, hramosarela I francuska gazeta Le Parisien.
Kana dengje akava baro barvališpa ki procenka o ekspertia vakergje 500.000 eura . O pračke em o monete deceniencar arakhen sine le I familia Jobez, a olengere agorutne paše familie štar phralja em phenja sare korkoro dživdinen sine olate lumgo vakti.
Sine muabetia kaj ko kher isi garavdo barvalipa ama hari pakjana sine ko odova.
Palo meripa taro agorutno dženo tari odoja familia Jobez okola so sine naslednikia e khereske , I durutni familia angja decizia te bikinen o kher barabutne sa e mebelea em o predmetia so sine andre.
I komuna kingja o kher bašo 13.000 eura ama troduplo profitiringja , soske primal o kanoni , okova so kingja o kher si gazdia sa so ka arakhen ko kher.
