Ko 15 novembro o dizutne ki komuna Visoko sine len šajdipa te den poiri vota ko lokalno alusariba bašo dizjakoro šerutno thaj representoa ki komuna.
Ki lista taro kandidatia taro aktuelno partie ki akaja diz Visoko sine diferentno kandidatia. Ki lista taro duj špartie sine em trin romane kandidatia, aso naoficialno rezultatoa ni jekh olendar na khuvgja em na lelja thaj ko Konsilo e dizjake.
Ko jekh tarop anglutne kerde debate o kandidati bašo dizjakoro šerutno bašo Visoko o Dario Pekić vakergja kaj but si importantno prekal oleskiri partia SDA odola kandidatia te khuvgje ki odoja lista ka roden te keren butiu ko interesia e jekhinake kotar so avena.
Ov vakergja kaj ki odoja lista maškar o javera sine em i Melina Pirija so presentiringja o Lokalno Akciono Plano bašo faisali e probelmenge so sisi ki romani jekhin majanglal odova si kherutnipa, sastipa, edukacia em buti.
Maškar o avera bahamkerde akcisko planoa si em i incijatiba te hulaven pe love ki legalizacia e phuvjake em o objektioa ki Romani jekhin . Ama bibahtaka tari akaja lista na khuvgje ni jekh romane represento.

Link: http://www.portal-udar.net/predstavnci-romske-zajednice-nisu-usli-u-vijece-u-visokom-ko-ce-se-zalagati-za-rjesavanje-njihovih-problema/

fShare

Tweet