I civilno inicijativa ki Bitola gerila akcijaja sikavgje piri percepcia mujal o brutalno maripa upral o Roma tari policia ko nakhle masekoa, em generalno mujal o terori taro civilian upral o bitolsko Roma, so si but lungo vakti sar normalno buti. Ko buteder thana sine čhivde “boksersko vrekje” nalepnicaja em baneria , em nišania so sikavena “O Roma nane vrekje boksiribaske – stop bašo terori upral o Roma”. O propagandno materijali si čhivde ko phravde thana ki diz ko pašipa e thanenge kote so ule akala incidentia.
„O terori upral o Roma ki Bitola pohari jali pobuter beršencar isi odothe em savore džanena bizi bari seriozno reakcia taro oficialno institucie. Bibahtake o agorutne atakoa ko akala 2-3 masekoa kote bizo desavo baro faktori brutalno sine marde Roma tari akaja diz, taro policajcia so keren buti ki akaja diz. Odova si čače but bibatalo em našti manuš te trainel akaleske. Sako dizutno trubul te ačhol anglal asavke incidentia em asavko terori! Odoleske si kreirime akaja akcia te šaj saste te notirina em te vakera lote ko majbaro numero akale aktenge nane finalno ande aktia. Bibahtake Amari diz I Bitola si jekh taro o dizja ki Makedonia majuče procentoa bašo kerde atakoa upral o Roma so si viktimia na salde e policiake, numa em buteder lokalno manušenge kote piri holi em frustracia sako dive keren terori upral amare Roma “ vakeren o aktivistoa.
