O romano thagar thaj krisari Muharem Salkanović (65) mulo tari korona ki italijakiri diz Montebeluna , regioni tari Venecia kote ko nakhlo kurko sine parume.
O Salkanović sine le baro autoriteto ki romani jekhin em ki Europa, buteder dženenge dengja suporto majbut e majčorolenge Roma a ekstra e Romenge tari oleskiri biandi them. Ov akana sig kergja jekh donacia taro 10.000 eura te kerel pe ograda ko romane limoria ki Banja Luka . Ki Gradiška isi le baro bbarvalipa, sar so si khera, motelči em aver. Mangel sine i diz Gradiška, kote oleskere jeria avile taro Bosanski Petrovac , em odothe ko agorutne deš berša investiringja upreder 2.5 milionia eura.
-O Muharem angleder sa sine but šukare persona so del sine suporto sakoneske. Oleskoro lafi sine respektirime sakonestar maškar ko Roma. Kana sine nekaske pharo ov avel sine em del sine suporto sakoneske so ka rodel sine lestar. E Muhareme sine 12 čhaja em čhave 65 unukia em 9 paraunukia.
Parume si telal bari opservacia taro karabinjeria em policia so dikhen sine dali ka arakhen pe e satsipaskere protokolia sebepi i korona ko vakti tari i pandemia.
Sa o pendžarde mediumia ki Italia dengje i informacia bašo oleskoro meripa, konstatatciajaj kaj mulo o Romano šerutno.
