Lungobrešnegoro problemi so nane ginekologo ki majbari romani komuna ki lumia – Šuto orizari nisar te čhivel pe agor. Odoleske i inicijativa e džuvlengiri taro Šuto Orizari notirinela beršipa sar nane personalno ginekologo ki komuna Šuto Orizari em bičhavgja informacia dži ko mediumia kote vakerela pe:
8.000-13.000 džuvlja ko reproduktivno periodo nane len personalno ginekologo ko Šuto Orizari trujal so siem ko maškar e pandemijaja Covid 19 kana angleder jekh berš o ginekologo phanlja piri ginekološko ordinacia .
Trujal so o Ministeriumi bašo sastipe havljargja kajka phravel nevi ginekološko ordinacia , odoja panda nane phravdi em o reproduktivno sastipa e džuvlengoro ki Amari komuna lungo vakti si čhivdo telal o riziko.
I inicijativa e džuvlengiri taro Šuto Orizari apelirinela dži ko Ministeriumi sastipaske te agorkerel o finalno aktia em te startujnel pe bukjaja i ginekološko ordinacia ko Šuto orizari , em te arakhel finalno em savakteskoro faisali (rešenie) te šaj ovel olen akcepcia dži ko ginekološko kontrole e romane duvljen, tergjol ko agor tari i vaktavin tari rig e Inicijativale e džuvlengiri taro Šuto Orizari.
