E Familiake Demirović koPertat so si la duj tiken čhave taro 11 januari akava berš nane len pani soske o bare panja zikankergje lenge o hidrofori em peravgja I šupa so sine lens a garavdo varo em zimnica a o kašta takjaribaske legargja len o panja tari len hramosarel o JuGmedia.
O gazda o Miloš Dejan Demirović vakerel kaj palo duj divesa tari komuna Lebane iklile ko teren sar Komisia te registririnen o kerdo zijani em posle nikana na ale pobuter.
„Isi man tikno bebe em tikno murš taro duj berš so nane amen sar te nangjara olen,. Varo nane, zejtini nane I zimnica geli o kašta khedava ko droma . Laja socialno em nane amne love te kina nevo hidrofori” vakerel o Demirović O bare panja khuvgja ko kupatilo em ki soba ama resle e romnja ko vakti te čularen ola.
Sar ov agjaar em leskoro komšia sine ko bare panja so isi len majbaro zijani soske olengoro sasto kher sine telal o panja “Em olenge niko na dela suporto” vakerel o Demirović.
Ko jekh o manuš tari organizacia „Pokrerni život“ taro Leskovac kaskere representoa dengje lafi kaj ka kinen lenge hidrofori em vakerel “ O Leskovac šaj, a o Lebani napti ili namangela”
Tari komuna Lebane šerutne si o SNS em na vakeren khanči e mediumenge. A o president e MZ Petrite vakeren kaj našti kerel khanči soske si aver SPS paria so si ki beogradsko koalicia nan a mangel te pučel khanči.
„Okova so I čače valjani te vakerel pe, odova so o narodo korokoro si bange soske kergje khera ko kanalia em odoleske isi bare panja kana isi tikne biršima a na salde akala so sine ko 11 januari., vakerel jekh dizutne taro Pertata – Lebane-