Ko momenti kote agorkerel o drumo iranena dajan. Agjaar vakergje lenge e drumoske ki romani mahala ko gav Agtaklia ki komuna Gardabani. O than anavkerel pe sar Noah prekal desavo murš so nekana dživdinel sine akate vakeren o gavutne. Trujal so oficialno nane lipardo niktoe o lokalno gavutne mangena akava anav soske agjar vakeren ki akaja mahala. Ola si 40 km dakšimale taro Tbilisi I perutni diz akale themake.
Ko vakti tari visita duj dive dela sine biršim agjaar so o lokalno drumo bašo Noah sine saste čikalo kote dikhel pe sine sar ikljola dumani taro o kanalia so pekela kašta. Tegani džanena kaj reslen ko region taro Noah.
O dživdipe akate sar em ko aver romane mahale ki Gruzia si phareste angleder da te ovel I pandemia taro Covid 19. I romani jekhin si tiknjori taro 2014 berš oficialno ki statistika tergjola kaj akate džvdinena sine 604 Roma trujal so o Instituto baši tolernacia thaj multikultura (TDI) ofisea ko Tbilisi vakerel kaj o realno numero šaj te ovel em nekobor milje Roma. Premal o TDI O Roma avgo drom avile ki Gruzia ko 19 veko telal e Rusiakiri imperia olengere numeroa palo Dujto lumiakoro maripa.
Link: https://tol.org/client/article/desperate-times-in-a-roma-village.html
