Ko 21 januari  i Vara Gondolanova muli palo lungo thaj pharo nasvalipa. Oj sine fantastično vokali tari jazz muzika but lačhe vokalea. Olakiri familia sine taro gav Brutovce , a palo odova dživdinel sine ki Praga, I Vara sine majterni ki familia em sar 15 beršengiri počmingja te giljavel ko familarno bendi taro phralja Gondolan, a ko jekh sine dujto vokali e Karel Got thaj avera. Palo odova  počmingja te giljavel soul  em kamerno jazz em odothe ačhili plo sasto dživdipa.

Ko vakti taro totalitarizmi oj emigriringja em prandingja pe ki Australia, Sar jekh taro raritetno čehiakere vokalia giljavgja em ki parisko Olimpia  kote kergja koncertia. Palo 1989 berš oj irangja pe ki Čehia, ama buteder droma dromarel sine em giljavel sine ko pherdo farnciakere kluboa em festivalia. Ki Čehia olakoro giljabe  “live” sine but lačheste akceptirime ko vakti taro pendžarutno lumiakoro festivali “Khamoro” em sa o simpatizeria tari jazz muzika mangen sine late jali e grupen so bašavel sine sar so si Ondžej Havelka em Melody Makers.

TV Romea hazrkerel sar jekh lipar show ko respekto premal akava vokali kote olakere kolegia a ko jekh em olakoro unuko o Filip Gondolan so sikaven baro respekti olake.

Youtube:

fShare

Tweet