I romani jekhin buteder droma si jekh taro majmarginalizirime ki Europa. Pobuter taro 12 milionia Roma ki Europa dživdinen ko čorolipa, ko thana so si buteder na akomodime. I pandemia kergja panda majbut bibahtalipa em bilačhipa em kergja majbari segregacia em izolacia upral o Roma.
Trujal so o Roma nane len bari pakjiv ko žurnalistia i žurnalisti taro BBC Džin Mekenzi sine akahrdi ki jjekh taro majbare Romane mahale ki Bugaria ki diz Sliven.
Sar so oj vakerela ki sasti Europa o romane jekhina buteder sine izolirime em bisterde , a i pandemija taro Coviod 19 akana kergja phareste te egzisitirinen.
- Nane amen pani. Nane amen ni struja. Nane amen droma. Akate isi melalipa em sa čika. Nane amen ni internet te šaj amare čhave te sikljon prekal on line edukacia, vakeren o Roma.
- Ni džukel našti dživdinel ko akala thana. I kanalizacia na funkcionirinela nane amen toaletia. O manuša o toaletno gunoj em o fekalie frdena len avrial - dopherela jekh romni.
Desave Roma našle em ki Britania te roden sezonsko buti em te našen taro čorolipa.
E bugariakoro govermento vakerel kaj nane nisavi diskrimnacia.
- Nane diskriminacia mujal o Roma tari them. O dizja si ko karantini bizi konekcia savo etnikumo si, vakerena o oficialno themakere persone.
