O ofiso ternenge ko Bon bizo adekvatno karane kergja akomodacia jekhe 7 beršengere romane čhaveske ko domi. Oleskoro papu jekhutne sine sar starateli e čhaveske sar so bijandilo oleskoro unuko em avilo ki Germania e čhavea tari Čehia angleder trin berša. E manuše si le 50 berša kerel buti akate a o čhavo džala ki škola.

Ko oktomvri 2020 berš jekh dive o čhavo na avilo peske tari škola khere sar sako drom normalno em oleskoro papo kana kavingja pe ki škola em pučlja kaj oleskoro čhavo tari škola vakergje kaj nane te avel khere em kaj o ofiso lelja le em legargja ole ko domi direkt,.

Ko kriseskoro proceso ko oktommvri o staratelstvo taro oleskoro papu sine lendo a ko vakti taro kriseskoro proceso o čhavo ko sako momenti potencirinel sine kaj mangela te iranel pe ko oleskoro papu em te dživdinel olea, Ko jekh em o raporto taro o doktoriu dokumentiringja kaj oleskoro papo si o majimportantno elementi em dženo so arakhela e 7 beršengere čhave . Na sine dende nisave kontra argumentia kaj o tikno čhavo na trubul te ačhol oleskere papoa. O manuš nadžanel panda kote si oleskoro unuko ko savo domi em na dikhlja ole 4 masekoa, soske o ofisi taro odova domi na mukhel te dikhen pes ola duj džene.

O leiba čhave tari rig e themake si le lungo tradicia em institucionalno diskriminaca e Romenge. Odoleske ko protestia rodela pe te iranen e čhave ki familia!

Link: https://ran.eu.com/7jahriger-roma-junge-ins-heim-gesteckt-kundgebung-vor-bonner-jugendamt-stoppt-die-traumatisierung-von-roma-kindern/?fbclid=IwAR0PNKfe546fmvGsFzu778XCxB64PvbTTxq-SKWzIikENRKwBaToFS3RD6I

fShare

Tweet