Ko 1939 berš ki maškar i bari depresia, i avgo dama Eleonora Ruzvelt dikhlja pe e liderea taro Roma Stiv Kaslov ko Njujork te šaj diskutirinel i kriza so sine presija upral o amerikansko Roma. Ko plo divesari oj hramosargja: “ Ola si bibahtale Roma em minjoriteto valjani te del pe lenge suporto” Odova sine historikano momenti kaj o Parno kher irangja i sama e Romenge ki Amerika.
Avdive kana i nevi amerikansko admnistracia ki aver kriza i amerikansko romane aktivistoa pakjana kaj definitivbno ka faisalkerel pe akava pučiba ko diferentno te faisalkerel pe i diskriminacia so arakhen pe o Roma.
Paše 1 milioni populacia o Amerikansko Roma vekoncar sine diferentno mozaiko. Historikane dikhindo o Roma resle ki Europa našibaja tari diskriminacia em pativaja ko majlačho dživdipa. Ama o anti romani hoš resela e Romen em prekal o Atlantik. Akate ki USA isi stereotipoa em “kultura ko kriminali” ki romani jekhin. Akala mpmentia so anena dži ki diskriminacia e Romenge ko Amerikancoa ko olengoro sakodiveseskoro dživdipa numa isi diskriminacia em ki implementacia e kanonege, I kerdi studia ko novembro 2020 berš kerdi taro Centro e sastipaske em manušikane niamia Fransoa-Ksavier Bagund ko Universiteto Haward em Voice of Roma sar NGO ofisoa ki Kalifornia sikavela i institucionalno diskriminaciae Romenge ki USA.
Ko jekh em o mebrora taro IRU ki USA lena zorale akti mujal i diskriminacia, Majbut oleske isi aktivizmo si o Rain Bear Stand, Nidhi Trehan, Anatolij Butakov, Tashi Mathuin Sara Mathuin, Anya Theodora em avera.
