I Romania akala divesa notirinela sine 160 berša sar si čhinavdo o ropstvo. O Robia sine Roma, 500 berša, em sine robia ko thagara, kmetonge, feudalconge,, ko manastiria, khangira so sine legalno bikime, keren sine buti em marde sine.
Jekhutne so sine len iamia sine o hajbe em šeja. Dži akana 500 berša sar robia nikana na khuvgja ko školsko lila baši istoria ki jekh europakiri them - so si bibahtale ko pobuter niveloa. O tretmano e Romengiroro ki Romania sar so hramosarel jekh romansko historičari Neagu Djuvara sine but telepravutno.- sine vakerdo kaj “Našti te rese khanči taro roma te na leljan o kamšiko” em sar anav e Romenge sine dendo “vrana” soske sine kale. O roma keren sine but buti sar nakit, ko rudniko, kovačia, ko khera em ko nive. Agjaar iklile o anava e Romengere sar so si Ursaria - Mečkaria, Auroria - Zlataria, o kazandže - Kalderašia em avera. Agjaar siklile o rpma but zanatoa sar so o Roma kovačia em tokaria sine but berša ki Moldavia em Vlahia. Sebepi olengoro status sar Robia na sine lenge mukhlo te keren piri dajakiri hib, em šelberšipaja sine represirime em asimilirime te oven Romancia jali Ungarcia.
