O Josip Joška Broz , političari thaj ugostiteli tari Srbia em unuko taro Tito angleder nesave beršs vakergja so gindinel baši i koorelacia maškar o Tito em i Jovanka thaj desave detalia taro o paruniba e Titotskoto. O Joška Broz pali jekh operacia pučlja e Tito so si oleskoro majbaro kerdo feleri.
O Tito vakergja; “Fakti si so mukhljum o Ustav taro 1974 berš , trujal so ko mo astali sine saste 10 divesa “- Odova Ustav sine starti kaj i Jugoslavia ka properel a ko jekh em i Partia em i republika em sa aver - vakerel o Joška Broz.
O Joška Brpz vakerel kaj o Tito na manglja te čhivel signatura ko Ustavm a ko pučiba soske na kergja odovam ov vakergja: “ Sar jekh demokrati, na mangljum te ovav nakhavdo votibaja ko Parlamenti, Šaj sine ma te čhivav i signatira, em odova si mlo feleri so na kergjum odova.”
Ov dophergja kaj o Ustav signaturaja kergje le validno o Mika Špiljak thaj o Kiro Gligorov, a o kanoni maškar aver forsirinen le sine o Edvard kardelj thaj o Stevo Kraičič.
