Sebepi so ki penzia gele duj personalno doktoria , paše 1.200 čhave thaj 4.000 bate ko Šuto Orizari si mukhle bizi fundavutni satsipaskiri protektiva paše 2 masekoa ko maškar tari i pandemia. Ki sasti teritoria tari komuna palo 17 o časo trujal jekh doktori em duj medicinsko personalia ko PZU Integrin nane aver medicinakoro personali.

Barabutne kerde reakciaja taro 12 asociacie so keren ko progresi e sastipaskere statuseske e Romenge m alarmirinen sar so vakeren ko natolerantno egaripa taro institucie ki protektiva e sastipaske ko dizutne e komunake.

Angleder jekh masek i asociacia rodingjaurgentno faisali akale problemeske. Ama dži ko avdisutno dive ola resle salde negativno antvorto taro Sastipaskoro ofiso - Skopje, a ko jekh udžarena em reakcia taro Ministeriumi sastipaskeem o Fondi sastipaskere protektivake.

Ola roden majurgentno te ooficijalizirinen pe neve personalno doktoria em pedijatar ki komuna Šuto Orizari. Palo odova te keren pe minimum standardia te funkcionirinel i poliklinika ko Šuto Orizari urgentno te notirinel pe šesfi so ka organizirinel o aktiviteto ki poliklinika aso okova so valjani e dizutnenge.

Link; https://www.radiomof.mk/sred-pandemija-1-200-deca-i-4-000-vozrasni-od-shuto-orizari-se-ostaveni-bez-osnovna-zdravstvena-zashtita/

fShare

Tweet