Ki romani mahala Čukarica ko maškar taro droma Galipole em Milorad Jovanocić kote angleder desave divesa sine ratvarde efata čhaveakana palo bare biršima si majbare probelmoa.
Sebepi so ko akava than thabile nekobor barake, akana ko resto saste barake khedime si sa o roma a palo biršima o thana si melale, panjale em si baro problemo e Romenge.
O drumo so legatrel dži ki akaja mahala si čikalo em dži ko barake but phareste resela pe.
- Ki sako familia si pobuter taro 5 čhave so tane khedime ko 15m2, kote po desavo drom siam em po 10 džene.
E dživdipaskere šartiia si but phare. Nane amne love ni hajbaske ni fuindavno dživdipaske. Akate avilem angleder 10 berša taro Banovo Brtd, sebepi so oodothe kergje neve apartmania.
Amen egzistirina khedibaja sekundarbo surovine. Akana ni odova naši. Sine oficialno persone tari i them em diskutirinen sine šaj li te keren pe desave kontejmeria. Taro efta ratvarde čhave so si taro trin dži ko 15 berša, olendar si štar phareste em ko kritično situacia.
