E srbiakoro presidento o Aleksandar Vučić ko imtervju bašo RTS dengja lafi kaj sako bizi buti ka del po 120 eura sar finansisko suporto tari them.
- O dizutne ka resen po 120 eura akava berš. Sa o bibukjarne em dizutne so si len upreder 18 berša ka resen duj droma po 30 eura ko maj thaj novembri em panda 60 eura ko juni - akcentiringja o Vučić em dophergja:
- Šular informacia si so em o muzičaria a ola nane ko sistemi taro DDV akceptirime, ama si paše 3.000 ikenge da hazrkeraja finansisko suporto ter del pe lenge duj minimalno plate .
Akaja decizia akava kurko ka anel e Srbiakoro Govermento.
Ola planirinen em finansisko suporto e penzionerenge. – O love dja sebepi o zaruripa em odolea ikerel pe o nivelo čorolipaske. Si amen 62.1 milijarde suficit ko budžeto. Ko decmebro em novembro e dživdipaskoro standardi si majučeste soske nane lačhe iskalkulirime taro anglutno berš. Amenge si butz importantno o dživdipaskoro standardi e dizutnengoro numa odola love. - akcentiringja o Vučić.
