Profesorka ki maškarutni ekonomska škola ko Tetovo, kerel natolerantno retorika premal o romano etnikumi ko plo FB profilo em majyorali reakcia mujal olate avela taro olakoro siklo Albanci kote e profesorkake ikergja lekcia bašo manušipa.
Ko internacionalno dive e Romengoro i profesorka Muhabie Fejzulai na mangel o bahtarina so bičhavena len o Abanca e Romenge, em odoleske kergja “reakcia” te vakerel e Albanconge kobor si “bilačhe” o Roma. Premal i profesorka e Romenge ni jekh na čhinavel o niami ki edukacia numa vakerel kaj olenge na kerel pe buti.
„Našti havav soske odohare žalinen e Romen . Mande ki mi mahala isi but Roma em but šukare pendžarava len, Kana bi ovel len hari piobuter takati ka keren sa te eliminirinen amen e Albancon. Salde te lipara o Monopoli em ka dikhen save tane manuša. Niko na čhinavel lenge i edukacia ola na mangen te keren buti em sa mangen ki veresia. O Roma si bu bilačhe taro o “kauria” Makedoncia hramosargja i Fejzulaim profesorka ki maškarutni ekonomsko škola „8-to Septembro“ ko Tetovo.
Sar antvorto olakere retorikake tari natolerancia em manušipadengja la o siklo thaj presdento ki školsko Unuia Blendi Hodai reakcia ko FB rodigja džovaplipa asavke retorikake em vakergja kaj asavke aktia ladžavkeren savoren.
„Jekh taro faktoria soske isi namagipa maškar amende ki akaja them si asavke pedagogia so ko vakti taro sikljojbaskere saatia promovirinen natolerantno retorika mujal javer nacionalitetoa so dživdinen ki amari them.
I profesorka tari ekomomikani škola ko Tetovo urgentno valjani te egarel džovaplipa em te jertsarel pe javni bapi lakiri natilerantno retorika mujal o Roma. Asavke forme taro aktia na trubul nisar te toleririnen pe soske si negativno fenomenia ko sasoitnipa” hramosargja ko piro FB profilo
Ko agor taro editiriba o Hodai bičahvgja mesažo e profesorkake kaj asavko komentarina sikavel patriotizni numa si banalno em ladžavo o sikle te ovel olen asavki profesorka, I editacia agorkerel e haštagoa #rasisitikaniprofesorka #džovaplipa.
Ki edicia tari profeorka Fejzulau isi but reakcie em komentaria taro aver dizitne so si len FB. Ko nesave olendar majzorale keren reakcia o Albancia em iritirime em holjame so i profesorka teleperavel e Romen ko anav taro Albancia, a buteder olendar dživdinen e Romencar ko hemime mahale ko tetovoem o barabutno dživdipa si but aver čahne numa so kerel ilustracia i profesorka. O Tetovo si jekh taro dizja kote si deiferentno etnikane grupe nacie sar so si em Roma. O Potok thaj o Tekje si mahale kote isi but Roma a nesave romane familie dživdinen ko aver mahale.
Link: https://civilmedia.mk/profesorka-so-govor-na-omraza-dobiva-vospitna-od-uchenik/
